¿Que lle pasa á candidata M (mellor dito «ó candidato M»)? Os «salvadores» do silencio empezan a poñerse nerviosos

Aviso a navegantes Nesta redacción non nos aburrimos. Mentres uns preparan as redes para a campaña, outros dedícanse a enviarnos correos electrónicos que parecen sacados dunha novela de espías de saldo. Chéganos unha «preocupación seria» sobre a candidata M (creo que se equivocaron e querian decir «Candidato M»). Din que hai aspectos da súa vida ou milagres que, se saen á luz, poderían causar un «desgaste innecesario». ¿Dende cando a verdade desgasta? A verdade só desgasta aos que intentan vivir da aparencia.

A retranca non se xubila O máis gracioso do asunto é que nos convidan amablemente a xubilarnos e a aprender a usar a IA. Pois miren, aquí estamos, usando a tecnoloxía máis punteira para facer o que fixemos sempre: vixiar que non nos dean gato por lebre. Que a algúns lles pese a democracia é un problema da súa costa, non da nosa pluma. No Barbanza coñecémonos todos, e se alguén ten algo que ocultar, que saiba que os «xubilados» temos todo o tempo do mundo para atopar o rastro das migas de pan.

Dereito a saber, péselle a quen lle pese Din que «todo o mundo ten dereito a acceder á información», pero pídennos «responsabilidade» para non publicar. É a paradoxia do moinante: predican transparencia pero rezan polo escurantismo. Se a «candidata/o M» (non temos moi claro o xénero) ten esqueletos no armario, mellor que saian agora a que nolos atopemos gobernando. A democracia non é ir votar cada catro anos e calar o resto do tempo; é preguntar ata que queden sen voz.

Peche de Comunidade: ¿Cres que os partidos políticos intentan ocultar o pasado dos seus candidatos para evitar o «desgaste» ou temos dereito a saber ata o último detalle antes de votar? Déixanos a túa opinión nos comentarios.

Para que non digan que nos inventamos cousas, ou as creamos coa IA, poñemos aquí a imaxe do correo que nos enviaron, iso si, aínda que sexa un perfil falso (xa o comprobaron os que manexan perfectamente a IA), tapamos parte dos datos para que non digan, ou non reciban demasiados correos sacándolle as cores.